Kurti: Thaçi nuk mundet pa Serbinë

Sipas Albin Kurtit, kryeministri i Kosovës Hashim Thaçi e ka një shtysë të fortë që të dialogojë me Serbinë.

“Për mua është e qartë se kryeministri Thaçi ia ka nevojën Serbisë. Ani nuk mundet pa Serbinë, sepse vetëm asisoj mund të mbetet në pushtet dhe të jetë interesant për ndërkombëtarët”, ka thënë ai për “Kohën Ditore”.

Kryetari i “Vetëvendosjes” po sheh se si Thaçi ende pa nisur mirë dialogu politik me Serbinë po heqë dorë nga zotimet e tij.
Ai ka thënë se kryeministri i Kosovës, pas takimit me ministrin e Jashtëm britanik, Ëilliam Hague, për dallim nga deklarimet e mëhershme, kur thoshte se përfundimi i bisedimeve do të jetë me njohje nga Serbia, tash pret njohje nga pesë shtetet e BE-së që nuk e kanë njohur Kosovën ende.

Lideri i forcës së dytë më të madhe opozitare i është referuar si kriminal takimit të Thaçit me kryeministrin e Serbisë, Ivica Daçiq, ndërsa ka thënë se Kosova është dashur ta kushtëzojë Serbinë te Bashkimi Evropian për normalizimin e raporteve.

Kurti ka folur edhe për zgjedhjet e brendshme në apdka. Ai ka thënë se aty do të ndodhë një puç nga Shërbimi Informativ i Kosovës.
Kurti ka thënë se i ka “lypur mejdan” Thaçit në cilindo televizion që ai do, porse këtij të fundit, siç ka thënë ai, :nuk po ia mbanë”.