Kurti: Të ndërprejmë bisedimet. Të ndjekim rrugën e Kroacisë dhe jo Bosnjës

Albin Kurti ka thënë se Kosova duhet të ndërpresë bisedimet me Serbinë në mënyrë që të tregohet seriozitet nga shteti i Kosovës.

Ai ka përmendur edhe shembullin e Kroacisë e cila përmes kushtëzimeve ndaj Serbisë ka gjetur rrugën e saj në BE./Zeri/

Lexoni më poshtë një pjesë të deklaratës së Albin Kurtit:

BE ndërhynë kur ne jemi serioz. Nëse ne i lutemi BE-së ata na kategorizon sovranitetin tonë. Ata duhet të shohim që ne jemi këmbëngulës që ata të përfshihen. Askush nuk po thotë që të anashkalojë BE-në. Mirëpo BE është duke anashkaluar ne. Mirëpo që të mos nga neglizhoj ne, ne duhet të tregohemi serioz si Kuvend i Kosovës.

Edhe reciprociteti si ndërprerja e bisedimeve është një mënyrë. Shikoni Kroacinë. Kroacia duke kushtëzuar Serbinë është këtu ku është. Nuk na qon në Bruksel rruga nga Beogradi. Të tillë e ka rrugën Sarajeva. Le të mos e ndjekim atë rrugë. Ta ndjekim rrugën e Kroacisë dhe jo të Bosnjës. Rrugën e kushtëzimit. Pra Serbia duhet të ketë kosto. Çfarë kosto mund t’i shkaktojmë. Tregu 400 milion euro dhe kosto tjetër ndërprerja e bisedimeve. Është minimumi që mund të bëjmë që ta dëshmojmë veten të dinjitetshëm dhe serioz.