Kurti: Sot është ditë e veçantë, le të votojmë e le të festojmë
Kandidati i Lëvizjes Vetëvendosje para pak çastesh ka votuar në objektet e Fakultetit Juridik.
Më pas u është drejtuar gazetarëve, duke thënë se sot është një ditë e veçantë, pasi, sipas tij, sovrani do t’ua japë përgjigjet të gjithë politikanëve e partive politike.
“Sot është një ditë fort e veçantë. Të gjitha partive e politikanëve u përgjigjet populli si burim i sovranitetit”, ka thënë Kurti, raporton Gazeta Express.
Kurti thotë se sot të gjithë janë të barabartë dhe ka bërë thirrje të gjithë ta shfrytëzojnë të drejtën për të votuar.
“Sot s’ka rëndësi a je i pasur a i varfër, a vjen nga fshati a qyteti. A ke mbaruar shkollim të lartë a jo. Të gjithë jemi të barabartë. Të gjithë ta shfrytëzojnë këtë shans historik për nga karakteri. Le të votojmë e le të festojmë”, ka thënë ndër të tjera Kurti.
Kurti ka deklaruar se gruaja e tij nuk ka mundur të votojë ngase ajo ka nënshtetësi norvegjeze.
“Gruaja ime nuk ka mundur të votojë ngase ka nënshtetësi norvegjeze. Vajza ka nënshtetësi kosovare por është ende e vogël”, ka deklaruar Kurti. /GazetaExpress/