Kurti: Sistemi ynë do të punojë për zbardhjen e vrasjeve makabre gjatë luftës

Sot, në 22-vjetorin e vrasjes së nënkryetarit shumëvjeçar të LDK-së Fehmi Aganit, kryeministri i vendit Albin Kurti së bashku me presidenten Vjosa Osmani kanë bërë homazhe te varri i profesorit.

Kurti pas homazheve te varri i profesorit Fehmi Agani ka folur për ndryshimin e Kodit të Procedurës Penale, që ia mundëson Prokurorisë Speciale gjykimin dhe dënimin në mungesë.

Ai thotë se sistemi ynë i drejtësisë do të punojë për zbardhjen e vrasjeve makabre.

“Më 29 maj të vitit 2019 ne e patëm plotësuar Kodin e Proceduarës Penale për t’i mundësuar Prokurorinë sonë Speciale që të hetojë e më pas të kemi edhe gjykime e dënime në mungesë. Para dy javës e bëmë edhe një avancim legjislativ të radhës, besoj që është koha e fundit që sistemi ynë i drejtësisë të veprojë, të punojë, në mënyrë që për vrasjet e shumta të regjimit kriminal të Jugosllavisë të Millosheviqit të kemi procese të drejta gjyqësore, që sjellin drejtësi për të gjitha viktimat. Profesor Agani ka lënë studentët e tij, ka lënë veprat e tij që lexohen nga të gjithë, andaj pa dyshim se kontributi dhe puna e tij do të jehojnë edhe në të ardhmen”, tha ai. /Zëri