Kurti për të pagjeturit: Do të bëjmë krejt çka mundemi e dimë që të sjellim drejtësinë

Kryeministri Albin Kurti derisa po bënte homazhe tek përmendorja e të pagjeturve në Kosovë, ka thënë se të zhdukurit me dhunë duhet të duken në përgjegjësin institucionale.

“Të gjitha ata na mungojnë, sidomos familjeve, por jo vetëm, i mungojnë shteti, të ardhmes tonë. Sot shënojmë edhe 22 vjetorin e masakrës së Mejës që është dëshmi tjetër e gjenocidit në Kosovë. Është e vërteta e shteti serb në Kosovë”, tha Kurti.

Ai theksoj tutje se ekzekutorët e krimeve e masakrave të panumërta në vendin tonë, duhet të sillen para drejtësisë.

“Duhet që ekzekutoret e masakrave të panumërta, e të vrarë të pafajshëm e civil të pa mbrojtur, të sillen para drejtësisë, të akuzohen, gjykohen dhe dënohen. Kjo është një plagë e hapur që nuk e mbyll kalimi i kohës, dhembja nuk fashitet por shtohet”, theksoi Kurti.

Kurti theksoi se si kryeministër i vendit do të bëj krejt çka është e mundur që të sillet drejtësia dhe të zbardhet e vërteta për të pagjeturit.

“Si kryeministër i Kosovës, bashkë me presidentet dhe kryeparlamentarin jemi zotuar që do të bëjmë krejt çka mundemi e dimë që të jemi pranë këtyre familjeve, që të ndihmojmë sjelljen e drejtësisë për gjetjen e të vërtetës”

“Duhet të bëhemi bashkë ta kërkojmë përgjegjësi, duke qenë përgjegjës në institucionet tona dhe në secilin pozitë që mbajmë. Unë ju falënderohem dhe ju jam mirënjohës familjeve nuk e ndalen aktivitetin e tyre, me lot në sy prisnin eshtrat e më të dashurve të tyre.Kjo dhimbje që është më shumë ankth duhet të marrë fund”, tha Kurti.