KKGJILAN

Kurti për takimin e 27 shkurtit: Besoj se do t’i përmbahen propozimit dhe jo interesit të njërës palë

/ 2 minuta lexim

Kryeministri Albin Kurti ka folur për takimin e 27 shkurtit i cili do të mbahet në Bruksel lidhur me dialogun Kosovë-Serbi.

Para gazetarëve ka thënë se nga ky takim presin të ketë diskutime të mëtutjeshme edhe të ecin mbi bazën e propozimit evropian.

Duke folur për çështjen e Asociacionit, ai ka thënë se janë pesë fjali të preambulës me 10 nene, duke shtuar se beson që do t’i përmbahen propozimit që kanë marrë dhe jo interesit të njërës palë.

Kurti ka shtuar se për gjera të tjera nuk mund të flasin tani edhe për shkak se kjo varët nga ndërmjetësit e dialogut.

Mobi Casa

“Pas të hënës do të mund të dimë se çka e ku”, ka thënë ai.

Kurti ka folur edhe për akuzat e deputetit Haki Abazi, duke shtuar se ato janë të pavërteta dhe të pasakta.

“Ato nuk janë të vërteta e as të sakta. Për këtë është përgjigjur ministrja e Drejtësie. LVV është subjekti më i madh dhe më demokratik. Unë nuk mund të mbaj përgjegjësi për fjalën publike të dikujt”, ka thënë ai.