Kurti për Gjykatën Speciale: Çmimin e gabimeve politike jemi duke paguar tani
RajoniPress
11:30, 15 Nëntor, 2020
Albin Kurti në një konferencë për medie ka folur për Gjykatën Speciale, raporton Ekonomia Online.Kurti tha se çmimin e gabimeve politike jemi duke paguar tani.
“Kosova ka pasur vazhdimisht gjykata speciale. Kjo gjykata e fundit është speciale por çmimin e gabimeve politike jemi duke paguar tani. Kjo gjykatë që iu supervendos shtetit me 82 vota u pranua të bëhet pjesë përbërse e Kosovës. Gjykata është e padrejtë dhe e njëanshme”, tha ai.
Ai tha se ka dy elemente të aktakuzës ndaj udhëheqësve të UÇK-së.“Pra njëfarë strukture kriminale brenda UÇK-së siç thonë ata. Prokuroria e ka gabim se ose s’ka pasur strukturë kriminale. Ky lajmi për UPK brenda UÇK-së nuk është i vërtetë”, shtoi lideri i VV-së.
Sipas tij, në Hagë nuk janë duke u përndjekur vetëm individët. Ata kanë avokatët e tyre secili por nevojitet bashkrendimi nga shteti.“Është Qeveria ajo që duhet të angazhohet në mbrojtje të tyre. Në këtë kohë Kosova nuk ka Qeveri që mund ta bëjë këtë. Kjo tashmë është veçse Qeveri e pakicës. Ne duhet të jemi bashkë për luftën tonë çlirimtare dhe kundër Serbisë që nuk na njeh”, tha Kurti.
