Kurti: Për faktin se dhunuesi i 11 vjeçares ka lëvizur i lirë nënkupton se drejtësia ka dështuar, Vettingu është i domosdoshëm

Kryeministri i Kosovës Albin Kurti gjatë ditës së diele së bashku me Ministren e Drejtësisë, Albulena Haxhiu kanë mbajtur një konferencë për medie. Ai gjatë kësaj konference pati kritika të shumëta për sistemin e drejtesisë në Kosovë, pas rastit të dhunimit të 11 vjeçares ditë më parë në Kosovë.

Ai theksoi faktin se drejtësia ka dështuar me vëtë faktin se dhunuesi ka lëvizur i lirë edhe për kundër faktit që kishte vepra të tjera të ngjashme penale.

“Gjatë kësaj jave na tronditi të gjithëve lajmi mbi krimin që për viktima kishte një 11 vjeçare. Në rastet si këto, i humb kuptimi zbatimit të të drejtave të njeriut dhe respektimit të ligjit ndjekjes së krimit dhe ushtrimit të pozitave të larta shtetëror që kanë për obligimin parandalimin dhe përndjekjen e atyre që kërcënojnë sigurinë, mirëqenien Dhe integritetin fizik të qytetarëve. Kur kuptojmë që kryesi i veprës ka qenë edhe më herët i dënuar për kryerjen e veprave penale dhe gjendet i lirë, kur dështon polica, prokuroria dhe gjykata dështon drejtësia kurse faturën e paguan qytetar”, tha Kurti.

[related-to url=”https://telegrafi.com/dosja-e-vettingut-shkon-ne-kuvend-per-miratim-haxhiu-refroma-ne-drejtesi-eshte-e-domosdoshme/

Tutje Kryeministri Kurti, theksoi se reformat në drejtësi përkatësisht Vettingu në këtë mes është i domosdoshëm.

“I dënuar për shumë vepra penale endet i lirë rrugëve të Prishtinës, dhunuesi lirohet pas 8 muajve burgim, dhunuesi nuk rehabilitohet dhe përsërit veprën dhe madje edhe vret. Nuk ka alternativë për vettingun në sistemin gjyqësorë dhe prokurorial, këtë e kuptojnë edhe vetë skterët e këtij sistemi madje edhe vetë skeptikët më të mëdhenjë të vettingut”, deklaroi ai.

I pari i ekzekutivit gjithashtu deklroi se pas kësaj konference ai dhe ministria Haxhiu do të shkojnë tek kryetari i Kuvendit Glauk Konjufca për t’ia dorëzuar dokumentin përkatës për Vettingun./Telegrafi/

Shpërndaje.
© RAJONIPRESS