Kurti pas helmimeve në Deçan: Qeveria do t’u përgjigjet nevojave të qytetarëve të prekur nga infeksioni

RajoniPress 14:42, 13 Korrik, 2021

/ 2 minuta lexim

Kryeministri i Kosovës, Albin Kurti ka thënë se do tu përgjigjen kërkesave të qytetarëve të prekur nga infeksioni në Deçan.

Përmes një postimi në Facebook, Kurti njoftoi se për shkak të angazhimeve jashtë vendit nuk ka mundur të jetë në Deçan gjatë këtyre ditëve.

“Qeveria e Republikës së Kosovës, do t’u përgjigjet nevojave të qytetarëve të prekur nga infeksioni, deri në përmirësimin e gjendjes”, shkroi Kurti.

Tutje ai tha se në Deçan do të jenë zëvendëskryeministrja Donika Gërvalla dhe Ministri i Shëndetësisë, Arben Vitia.

Postimi i plotë:

Të dashur qytetarë të Komunës së Deçanit,

Në pamundësi për të qenë pranë jush, meqë jam në vizitë zyrtare jashtë vendit, kam komunikim të vazhdueshëm me institucionet përgjegjëse.

Në bisedë me Kryetarin e Komunës, z.Bashkim Ramosaj, jam njoftuar për gjendjen emergjente në Komunën e Deçanit.

Për të konkretizuar mbështetjen e Qeverisë dhe për t’u njoftuar nga afër me situatën, sot në Deçan janë Zëvendëskryeministrja znj.Donika Gërvalla dhe Ministri i Shëndetësisë, z.Arben Vitia.

Qeveria e Republikës së Kosovës, do t’u përgjigjet nevojave të qytetarëve të prekur nga infeksioni, deri në përmirësimin e gjendjes.

Bashkëndjej brengën dhe shqetësimin tuaj dhe ju dëshiroj shërim sa më të shpejtë. /Telegrafi/

Kurti pas helmimeve në Deçan: Qeveria do t’u përgjigjet nevojave të qytetarëve të prekur nga infeksioni

Mund të ju interesoj:

Turqia kujton Srebrenicën, thotë se mbetet zë i të shtypurve – edhe i Kosovës

Parada ushtarake, Kastrati: Serbia dha tre mesazhe me këtë lëvizje

Hamza pas takimit me Kurtin: PDK mbetet në opozitë, zgjedhja e presidentit kërkon bashkëpunim me LVV-në

Maliqi: Shkelja e afatit për konstituim të Kuvendit të dërgohet në Supreme dhe, siç thoshte Kurti, krimineli e ka vendin në burg