Kurti paraqet programin qeverisës, thotë se Qeveria e tij do ta ruaj paranë publike

I mandatuari për kryeministër, Albin Kurti pak para votimit të Qeverisë së re ka paraqitur programin politik të ekzekutivit të ri, që do të udhëhiqet nga ai, raporton “Zeri.info”.

Me këtë rast Kurti tha se ai dhe qeveria e tij kanë për qëllim adresimin e gjitha problemeve me të cilat ballafaqohen qytetarët e Kosovës. Kurti po ashtu u zotua se do të ruhet paraja publike.

“Kemi një program që adreson secilën fushë dhe prek secilin qytetar. Do të jemi qeveri e kursimit të parasë publike, ashtu siç po e shihni para meje do të jenë 15 ministra, e jo 21 sa ishin më herët, do të jenë 33 zëvendës ministra, e jo mbi 100 sa ishin më herët”, tha Kurti. Ndër të tjera ai theksoi shkurtimisht pikat e tjera të programit qeverisës, i cili sipas tij do të jetë transparent dhe i hapur për të gjithë/Zeri