Kurti para familjes Jashari dhe deputetëve: Rënia heroike e Adem Jasharit, pikë kthese në historinë e Kosovës
RajoniPress
09:56, 5 Mars, 2020
Kryeministri Albin Kurti në seancën solemne të Kuvendit të Kosovës për nder të 22-vjetorit të Epopesë së UÇK-së, ka thënë se rënia heroike e kryekomandantit Adem Jashari dhe familjes së tij është pike kthese në historinë e Kosovës.
“Rënia e tyre shpërfaqi fytyrën e vërtetë të shtetit serb si asnjëherë më parë”, tha Kurti.
Ai më tej tha se pa luftën dhe qëndresën e Jasharajve nuk do të kishte UÇK
Kurti tha se për Jasharajt flijimi i tyre nuk ishte diçka e jashtëzakonshme, dhe se me Jasharajt çuditen vetëm ata që nuk e dinë historinë e tyre.
Kurti tha se 5,6, 7 Marsi janë ditë reflektimi dhe ndalemi të mendojmë ku jemi dhe për të ardhmen që na pret.
Kurti tha se Adem Jashari asnjëherë nuk e braktisi idealin për liri dhe qëndroi me popullin e tij.
