“Unë s’mund të bëhem ndërkombëtar”, tha kryeministri i Kosovës, Albin Kurti në replikë ndaj deputetëve që e kritikuan duke i kërkuar koornimin më të mirë me ndërkombëtarët, raporton Gazeta Express.
Kurti tha se po e mbron interesin e Kosovës me qasjen e tij në dialogun me Serbinë.
“Se kur po thoni koordinim, koordinim, koordinim, e gati subordinim që me u bë unë ndërkombëtar… Unë s’mund të bëhem ndërkombëtar, a po kupton?”, tha Kurti.
“Unë e mbroj interesin e Republikës sonë, popullit, shoqërisë, Kushtetutës sonë”, tha ai.
Kurti tha se “koordnimi” e ka sjellë marrëveshjen për Asociacionin.
“Më herët koordinim është quajtur subordinimi. Se koordinim ka pasë edhe më 19 prill 2013. Këqyre ku na ka pru ai koordinim”, tha kryeministri.
