Kurti: Nuk mund t’i heqim masat e sigurisë ndaj Serbisë përderisa Radoiçiq është i lirë
RajoniPress
13:41, 22 Janar, 2024
| 3 muaj më parë
Kryeministri i Kosovës, Albin Kurti ka marrë pjesë në samitin e Bashkimit Evropian, që është mbajtur në Shkup, kushtuar Planit të Rritjes për Ballkanin Perëndimor.
Kurti para mediave foli edhe një herë për sulmin në Banjskë ku u vra rreshteri Afrimi Bunjaku, derisa tha se ndaj Serbisë kanë vetë masa sigurie, transmeton Telegrafi.
Si mund të ndikojnë “zgjedhjet në vendet e largëta” në Evropë dhe në mbësht…Pesëmbëdhjetë minuta, pak apo shumë!A është vërtet i interesuar Arsenali për nënshkrimin e Benzemas?Kryetari i FFK-së, Ademi: Çështja e përzgjedhësit është punë e kryer, ai është gjerman …Agjërimi pesë-ditor në muaj mund të luftojë kancerin dhe sëmundje tjera
“Armatimi është prodhuar në Serbi dhe ka ardhur nga Serbia, grupi paramilitar janë të lirë me krye me Milan Radoiçiq. Pra, ne nuk kemi masa tregtare ndaj Serbisë por vetëm masa sigurie. Nuk mund t’i heqim masat e sigurisë, derisa e kemi grupin paramilitar të lirë dhe ku po organizohen pa ndryshuar qëllimet dhe sjelljet e tyre”, u shpreh ai.
Më tej, Kurti foli për planin për zgjerimin e Bashkimit Evropian, derisa tha se ky plan do të sjellë mbështetje financiare për gjashtë vendet e Ballkanit Perëndimor, transmeton Telegrafi.
“Ne kemi planin e rritjes i cili do të sjelle mbështetje financiare 6 miliardë euro për 6 vende të Ballkanit Perëndimor që duan të hyjnë në Bashkimin Evropian. Mbështetja financiare varet nga puna dhe performanca veç e veç, pra, nëse shtetet në procesin e Berlinit arrijnë diçka pozitive atëherë ajo bartet te plani i rritjes, por nëse pengojnë njëra –tjetrën nuk ka atëherë efekt plani i rritjes”, deklaroi Kurti para mediave.
Kurti tha se anëtarësimi në BE është synim i Kosovës dhe i qytetarëve, ku përqindja është rreth 94%.
“Rajoni i Ballkanit duhet të integrohet, por nevojitet paqe dhe kërcënimet e sigurisë të pushojnë”, tha mes tjerash ai.
Kurti po ashtu ka falënderuar BE-në, SHBA-të dhe Maqedoninë e Veriut për këtë takim të rëndësishëm, që sipas tij do të mundësojnë sa më shumë bashkëpunim rajonal por edhe ecje më të përshpejtuar drejt BE-së. /Telegrafi/
