Kurti në Mynih: Serbia bëri krime në Kosovë, t’i hapë arkivat shtetërore

Kryeministri i Kosovës, Albin Kurti në Konferencën e Sigurisë në Mynih i ka bërë thirrje edhe njëherë Serbisë që t’i hapë arkivat shtetërore.

Kurti ka deklaruar se krimet e kryera në Kosovë ishin krime shtetërore.

“E kaluara nuk ka kaluar ende kur krimet e luftës dhe gjenocidi janë ende të mohuara. Në panelin e Konferencës së Sigurisë në Mynih 2022 : “Të humbur në tranzicion: sfidat dhe perspektivat e llogaridhënies dhe drejtësisë tranzicionale” i bëra thirrje Serbisë që të hapë arkivat shtetërore sepse krimet e kryera në Kosovë ishin krime shtetërore”, ka shkruar Kurti në Twitter.

Kryeministri Kurti gjatë qëndrimit të tij në Gjermani ka zhvilluar takime me zyrtarë të lartë ndërkombëtarë. /Telegrafi/