Kurti në Mitrovicë: Pa një Kosovë të bashkuar nuk mund të kemi bashkim kombëtar

Alternativa qeverisëse e Lëvizjes Vetëvendosje mbështetet në tre shtylla kryesore, shtetin e së drejtës, shtetin zhvillimor dhe shtetin social, dhe nuk mund të kemi Kosovë sovrane pa një Mitrovicë të bashkuar, si dhe pa një Kosovë të bashkuar nuk mund të kemi bashkim kombëtar.

Këto komente i bëri kryetari i Lëvizjes Vetëvendosje Albin Kurti të premten në Mitrovicë, gjatë prezantimit të hapave për realizimin e alternativës qeverisëse të kësaj partie.

Sipas tij, në Kosovë duhet të ketë drejtësi për qytetarët dhe të drejtat e tyre të jenë të garantuara, sepse qytetarët e duan Kosovën Republikë, ku interesi i përgjithshëm dhe e përbashkëta janë mbi çfarëdo interesi individual apo të veçantë.

“Ekonomisë duhet t’ia shtojmë zhvillimin, prodhimin dhe jo vetëm të kemi import, tregti e financa, por fabrika dhe industri. Duhet të kemi prodhim i cili përgjithësisht është bujqësor, industrial dhe zejtar, dhe shteti të jetë edhe social në mënyrë që rritja ekonomike të shoqërohet me politika sociale që e zbusin pabarazinë”, ka thënë Kurti.

Ai shtoi se muajt e fundit në Kosovë ka pasur rritje të importit dhe zvogëlim të eksportit, ndërsa një shtet që dëshiron të ketë zhvillim ekonomik duhet ta ketë të kundërtën.

Aida Dërguti, nënkryetare e Vetëvendosjes, theksoi se për ndryshimin e gjendjes së vështirë në të cilën ndodhen qytetarët e Kosovës, duhet organizim.
Sipas saj, Lëvizja Vetëvendosje është rritur si asnjë herë më parë, si nga sasia ashtu edhe nga cilësia, andaj qytetarët duhet t’i bashkohen Vetëvendosjes ngase ndryshimi është i mundur vetëm kur ata të jenë të bashkuar.

“Dje kemi mposhtur LDK-në përmes Shpend Ahmetit, kryetar të Prishtinës, tani duhet të përqendrohemi ta mposhtim PDK-në përmes Vetëvendosjes dhe Albin Kurtit kryeministër”, ka thënë Dërguti.

Ndërkaq, Visar Ymeri, drejtues i grupit parlamentar, tha se derisa qyteti i Mitrovicës dikur simbolizonte begatinë e Kosovës, sot simbolizon varfërinë e saj, sepse është me papunësinë më të madhe dhe depresionin më të madh shoqëror në Kosovë.

Ai bëri të ditur se për të shikuar deri ku ka arritur Kosova sot pas gjithë këtyre viteve në liri, mjafton që qytetarët të shikojnë dhe të kuptojnë çfarë po ndodhë në Mitrovicë, si në rrafshin politik, ekonomik dhe social.

“Fatkeqësisht sot në Kosovë kemi një shtet i cili në vend se t’i marr përgjegjësitë e veta ndaj qytetarëve, për çdo ditë e më shumë po ikën nga këto përgjegjësi. Andaj, ikja nga përgjegjësia në rrafshin politik, nuk mund të ofroj as mbrojtje ligjore, sepse nuk kemi ushtri për ta mbrojtur shtetin, nuk ka institucione të cilat mbrojnë të mirën e përgjithshme, dhe në anën tjetër në rrafshin ekonomik ikja nga përgjegjësia më së miri reflektohet përmes tendencave të privatizimit të vazhdueshëm që bënë qeveria e Republikës së Kosovës”, ka thënë Ymeri.

Ai ka potencuar se zhvillimi ekonomik është alternativa e vetme e qeverisjes.Alternativa qeverisëse e Lëvizjes Vetëvendosje mbështetet në tre shtylla kryesore, shtetin e së drejtës, shtetin zhvillimor dhe shtetin social, dhe nuk mund të kemi Kosovë sovrane pa një Mitrovicë të bashkuar, si dhe pa një Kosovë të bashkuar nuk mund të kemi bashkim kombëtar.Këto komente i bëri kryetari i Lëvizjes Vetëvendosje Albin Kurti të premten në Mitrovicë, gjatë prezantimit të hapave për realizimin e alternativës qeverisëse të kësaj partie.

Sipas tij, në Kosovë duhet të ketë drejtësi për qytetarët dhe të drejtat e tyre të jenë të garantuara, sepse qytetarët e duan Kosovën Republikë, ku interesi i përgjithshëm dhe e përbashkëta janë mbi çfarëdo interesi individual apo të veçantë.

“Ekonomisë duhet t’ia shtojmë zhvillimin, prodhimin dhe jo vetëm të kemi import, tregti e financa, por fabrika dhe industri. Duhet të kemi prodhim i cili përgjithësisht është bujqësor, industrial dhe zejtar, dhe shteti të jetë edhe social në mënyrë që rritja ekonomike të shoqërohet me politika sociale që e zbusin pabarazinë”, ka thënë Kurti.

Ai shtoi se muajt e fundit në Kosovë ka pasur rritje të importit dhe zvogëlim të eksportit, ndërsa një shtet që dëshiron të ketë zhvillim ekonomik duhet ta ketë të kundërtën.

Aida Dërguti, nënkryetare e Vetëvendosjes, theksoi se për ndryshimin e gjendjes së vështirë në të cilën ndodhen qytetarët e Kosovës, duhet organizim.
Sipas saj, Lëvizja Vetëvendosje është rritur si asnjë herë më parë, si nga sasia ashtu edhe nga cilësia, andaj qytetarët duhet t’i bashkohen Vetëvendosjes ngase ndryshimi është I mundur vetëm kur ata të jenë të bashkuar.

“Dje kemi mposhtur LDK-në përmes Shpend Ahmetit, kryetar të Prishtinës, tani duhet të përqendrohemi ta mposhtim PDK-në përmes Vetëvendosjes dhe Albin Kurtit kryeministër”, ka thënë Dërguti.

Ndërkaq, Visar Ymeri, drejtues i grupit parlamentar, tha se derisa qyteti i Mitrovicës dikur simbolizonte begatinë e Kosovës, sot simbolizon varfërinë e saj, sepse është me papunësinë më të madhe dhe depresionin më të madh shoqëror në Kosovë.

Ai bëri të ditur se për të shikuar deri ku ka arritur Kosova sot pas gjithë këtyre viteve në liri, mjafton që qytetarët të shikojnë dhe të kuptojnë çfarë po ndodhë në Mitrovicë, si në rrafshin politik, ekonomik dhe social.

“Fatkeqësisht sot në Kosovë kemi një shtet i cili në vend se t’i marr përgjegjësitë e veta ndaj qytetarëve, për çdo ditë e më shumë po ikën nga këto përgjegjësi. Andaj, ikja nga përgjegjësia në rrafshin politik, nuk mund të ofroj as mbrojtje ligjore, sepse nuk kemi ushtri për ta mbrojtur shtetin, nuk ka institucione të cilat mbrojnë të mirën e përgjithshme, dhe në anën tjetër në rrafshin ekonomik ikja nga përgjegjësia më së miri reflektohet përmes tendencave të privatizimit të vazhdueshëm që bënë qeveria e Republikës së Kosovës”, ka thënë Ymeri.

Ai ka potencuar se zhvillimi ekonomik është alternativa e vetme e qeverisjes.