Kurti në 71-vjetorin e themelimit të NATO-s: Po punohet çdo ditë për ta bërë Kosovën anëtaren e saj të 31-të

Kryeministri në detyrë, Albin Kurti, ka përkujtuar 71-vjetorin e themelimit të aleancës në të fuqishme ushtarake në botë, NATO-s.

Përmes një shkrimi në Twitter, ka thënë se, NATO mbetet aleanca më e madhe që bota ka dëshmuar ndonjëherë.

Kurti shkroi se SHBA ia dha Evropës dy gjëra thelbësore: Ekonominë e fortë me Planin Marshall dhe siguri me NATO-n.

Ai thotë se, po punohet çdo ditë e më shumë për ta bërë Kosovën anëtaren e saj të 31-të!

E themeluar më 4 prill 1949, me fillimin e Luftës së Ftohtë, Organizata e Traktatit të Atlantikut Verior (NATO) u bë organizata kryesore udhëheqëse e mbrojtjes së përbashkët me tashmë 30 vende anëtare në Europë dhe Amerikën e Veriut.

Në vitin 2001, pas sulmeve të 11 shtatorit, Shtetet e Bashkuara të Amerikës janë vendi i parë që i drejtohen nenit 5. NATO më pas bashkohet me Uashingtonin në “luftën kundër terrorizmit” /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).