Kurti: Ndërhyrja e NATO-s në Kosovë mban vulën e Albright, jemi përjetë falënderues!

Kryeministri i Kosovës, Albin Kurti dhe kryeparlamentari Glauk Konjufca kanë bërë homazhe te busti i Madeleine Albright në Prishtinë.

Kurti tha se Albright ishte një personalitet i madh dhe se do të mbahet mend përgjithmonë, raporton Indeksonline.

Kryeministri Kurti tha se ndërhyrja e NATO-s për të ndalur gjenocidin në Kosovë me bombardimet kundër Jugosllavisë dhe Serbisë së Millosheviqit padyshim që mbajnë vulën e Zonjës Albright dhe për këtë ne duhet të jemi përjetë falënderues.

“Politika, diplomacia dhe historia vështirë se kombinohen në një mënyrë më të përsosur sesa te personaliteti i jashtëzakonshëm i Madeleine Albright. Ajo në politikë ishte historiane, në histori ishte diplomate ndërkaq në diplomaci ishte politikane. Kur kemi parasysh edhe përvojën e saj jetësore si emigrante hebre në SBHA e cila fëmijërinë e ka kaluar gjatë luftës së dytë botëroredhe më pastaj është shkolluar në vendin tempull të demokracië e më pastaj është bërë sekretarja e pare grua. Natyrsht që kemi të bëjmë me një figure e cila nuk i takon vetëm shekullit 20 por edhe 21. Cdoherë kur fliste, vepronte apo shkruante ishte aq profesionale në secilën prej asaj cfarë bënte e thoshte sa që nuk mund të quhej profesioniste për shkak të qenies së saj të gjithanshme. Dija e saj e thellë, orientimi i saj për demokracinë sociale dhe njohuritë për gjeopolitikën e bëjnë një personalitet i cili do të kumbojë gjatë jo vetëm në polikën dhe qeverisjen e SHBA e te ne në Kosovë, por edhe shumë vende të tjera të botës.

Ndërhyrja e NATO-s për të ndalur gjenocidin në Kosovë me bombardimet kundër Jugosllavisë dhe Serbisë së Millosheviqit padyshim që mbajnë vulën e Zonjës Albright dhe për këtë ne duhet të jemi përjetë falënderues“, tha Kurti./Indeksonline/