Kurti merr letër nga Borrell: Takimi në Bruksel dërgon sinjal për partneritetin e ngushtë mes Kosovës dhe BE-së

Kryeministri i Republikës së Kosovës, Albin Kurti, ka pranuar një letër nga Përfaqësuesi i Lartë i Bashkimit Evropian për Polikë të Jashtme dhe Çështje të Sigurisë, Josep Borrell.

Duke iu falënderuar për letrën që Kurti ia ka dërguar, Borrellit shprehet mirënjohës për takimet e përbashkëta në Bruksel.

“Jam mirënjohës që kisha rastin t’u mirëprisja në Bruksel tri herë që nga marrja e detyrës së re. Kjo dërgon sinjal të fuqishëm për partneritetin e ngushtë ndërmjet Bashkimit Evropian dhe Kosovës”.

“Mirëpres bashkëpunimin tonë të ngushtë në vazhdimësi dhe shkëmbimet tona në baza të rregullta”, thuhet në letër.