Kurti: ‘Luftë’ brenda PDK-së, Veseli dëshpërueshëm tenton të bëhet kryeministër

Deputeti i Lëvizjes Vetëvendosje (LVV), Albin Kurti, gjatë deklaratave të cilat i ka bërë sot në foltoren e Kuvendit të Kosovës, ka folur për raportin konfidenacial të EULEX, i cili tashmë është publikuar në media. Ai ka theksuar se “raporti konfidenacial I EULEX-it tregon se zyrtarët e lartë të këtij misioni janë të lidhur me zyrtarët shtetëror (me zyrtarët e Partisë Demokratike të Kosovës – PDK)”.

Sipas tij, themelimi i Gjykatës Speciale dhe dënimi i Grupit të Drenicës janë të komprementuara.

“Ky raport tregon edhe për luftën e fuqishme që po ndodh brenda PDK-së. Në këtë raport rezulton se PDK-ja kërkon kontroll të plotë dhe kërkon që të shpëtojë nga kapacitet hetuese të EULEX. PDK-ja synon që të shkojë në zgjedhje parlamentare në fund të viti 2015. Sipas po këtij raporti, kjo parti synon që të ketë ndikim në emrat e të akuzuarve në Gjykatën Speciale. Hashim Thaçi planifikon që të bëhet president i Kosovës, në mënyrë që të qëndrojë me një anë nga themelimi i Gjykatës Speciale. Në anën tjetër, Kadri Veseli dëshpërueshëm tenton që të bëhet kryeministër, dhe do ta sulmojë vazhdueshëm ministrin e drejtësisë, Hajredin Kuçi. Kadri Veseli dhe Hashim Thaçi po tentojnë të marrin kredi për ta liruar grupin e Drenicës për të fituar vota pastaj. Më nuk ka interesa partiake ose grupore, por vetëm interesa personale”, ka deklaruar Kurti.

Pas këtyre deklaratave është kundërpërgjigjur, kryetari i Kuvendit të Kosovës, Kadri Veseli, i cili ka theksuar se konstatimet e Kurtit, janë poezi. /Telegrafi/
———————————————————-

Veseli e quan poezi fjalimin e Albin Kurtit

Deputeti i Vetëvendosjes, Albin Kurti në seancën e Kuvendit ka lexuar raportin konfidencial të EULEX-it, të publikuar në KTV, duke thënë se për politikanët e PDK-së nuk ka interes partiak, as grupor por vetëm interes personal dhe me këtë logjikë nuk ka shtet funksional.
Ndërkohë pas këtij fjalimi, kryetari i Kuvendi, Kadri Veseli falënderoi Kurtin, siç tha ai për këtë poezi.
———————————————————-

Grabovci i quan përralla fjalët e Albin Kurtit

Shefi i Grupit Parlamentar të PDK-së, Adem Grabovci deklaratën e deputetit të Vetëvendosjes, Albin Kurti lidhur me publikimin e një raporti konfidencial të EULEX-it që flet për proceset politike në Kosovë i ka quajtur shpifje, “sikurse e kanë edhe programin e tyre”.
Grabovci tha se i beson Bashkimit Evropian i cili, sipas tij e ka demantuar një gjë të tillë, pasi që sipas tij e dinë se ato janë shpifje dhe trillime të njerëzve që nuk ia duan të mirën këtij vendi.

“Kjo dëshmohet me pushtetin në Prishtinë të cilët e kanë bllokuar jetën e qytetarit”, tha Grabovci.

Grabovci tha se është qytetari është ai që me votën e tij e dëshmon se kush është ai që punon për këtë vend.

“Është e tepërt të merremi me këto përralla të cilët janë bërë rutinë”, tha Grabovci. /Telegrafi/