Kurti konfirmon takimin me Mustafën: Do të arrijmë marrëveshje, do t’i tejkalojmë të gjitha pengesat

Kryetari i Lëvizjes Vetëvendosje, Albin Kurti ka konfirmuar se sot do të zhvillojë takim me kryetarin e Lidhjes Demokratike të Kosovës, Isa Mustafa.

Këto komente Kurti i bëri pas takimit me përfaqësuesit e sindikatave të Kosovës.

Ai u shpreh i bindur se do të tejkalohen dallimet me LDK-në, duke mundësuar arritjen e marrëveshjes për formimin e Qeverisë.

“Në jemi në komunikim të vazhdueshëm si dy parti që do ta formojnë Qeverinë e re. Po do të ketë takim sot. Në këto takime do të vazhdojmë aty ku kemi mbetur. Do të arrimë marrëveshje e me zotin Mustafa, do t’i tejkalojmë të gjitha pengesat e vogla që i kemi”, ka thënë Kurti.

Takimi pritet të mbahet në ora 17:00.

Takimi i fundit mes Kurit dhe Mustafës ishte më 2 dhjetor ndërsa dy partitë e para ende nuk kanë nënshkruar marrëveshje për koalicion.

Bisedimet kanë ngecur te posti i presidentit për të cilin Vetëvendosje konsideron se nuk duhet të ketë një marrëveshje, ndërsa LDK thuhet se i takon asaj. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).