RCCOLA

Kurti: Kemi të bëjmë me një strukturë mercenare e përkrahur politikisht e financiarisht nga Beogradi

/ 1 minutë lexim
ARKATANA

Kryeministri i Kosovës, Albin Kurti pasi ka ndezur qirinj para stacionit të Policisë së Kosovës në nderim të policit të vrarë, Afrim Bunjaku, ka thënë se ka dështuar përpjekja për destabilizimin e Kosovës nga Serbia.

Në një deklaratë për media Kurti ka thënë se bëhet fjalë për një strukturë mercenare e cila është e përkrahur politikisht, financiarisht nga Beogradi zyrtar.

“Bëhet fjalë për një formacion terrorist e kriminal, profesionist i cili ka planifikuar dhe përgatitur gjatëkëtë çfarë ka ndodhur sot dhe që nuk paraqesin një bandë të kontrabandës, por një strukturë mercenare e cila është e përkrahur politikisht, financiarisht nga Beogradi zyrtar, deklaroi ai.

ARKATANA

Një pjesëtar i Policisë së Kosovës u vra, një u plagos dhe një tjetër u lëndua, pas një sulmi nga persona të armatosur në Banjskë të Zveçanit, rreth orës 3 të mëngjesit të së dielës.

Pas shkëmbimeve të vazhdueshme me armë zjarri, tre nga sulmues serbë janë vrarë, gjashtë janë arrestuar, dy prej tyre janë të plagosur.