Kurti: Ideja për krijimin e Tribunalit i jep kohë Serbisë

Lideri i VV-së, Albin Kurti ka folur lidhur me idenë e kryeparlamentarit Kadri Veseli për themelimin e një Tribunali Ndërkombëtarë për gjenocidin serb në Kosovë.

Kurti ka thënë se në situatën në të cilën jemi është si pasojë e idesë së kryetarit të Kuvendit dhe shefit të PAN-it, Kadri Veseli.

Kurti ka shtuar se edhe nëse formohet Tribunali ai merr vjet për tu vënë në funksionim.

“Nëse do të ishte e mundur të krijohet një Tribunal i tillë, kush e di edhe sa vjet i merr funksionimi i tij. Të flasësh për Tribunal Ndërkombëtar nuk do të thotë ngutesh por të ecësh ngadalë”, ka thënë Kurti.

Ai ka shtuar se ky Tribunal i jep kohë Serbisë.

“Tribunali Ndërkombëtar prej kur lind ideja e deri të themelohet e të funksionohet shkojnë shumë vite, dhe si mund ta quajmë Tribunal Ndërkombëtarë kur nuk e ki edhe një shtet tjetër pos Kosovës. Kjo është ide që ide që të ecim ngadalë…”, theksoi Kurti.

Kurti ka kërkuar edhe votimin në lexim të dytë të plotësim ndryshimit të Kodit të Procedurës penale si dhe të ushtrojnë padi në GJND ndaj Serbisë dhe krimet e kryera në Kosovë. /Telegrafi/