Kurti ‘godet’ deputetët e ministrat: Jeni të shitur

Lideri i Vetëvendosjes, Albin Kurti gjatë seancës së sotme ku po diskutohet për të drejtat e punëtorëve në Kosovë, tha se deputetët e Kuvendin nuk po i japin shembull të mirë inspektorëve të punës, pasi që sipas tyre deputetët vet janë të shitur raporton “Zeri.info”.

“Kur ti kaq kollaj i shet kaq shpejt kaq shumë fabrika, nuk mund të thuash pastaj që u shit inspektori i punës, kur shitet deputeti e ministri pse nuk shitet inspektori i punës. Çfarë shembulli po i japin atyre ne”, ka pyetur Kurti.

Ai gjatë fjalimit të tij ka përmendur edhe privatizimin e kompanive e që sipas tij po bëhen nga politikanët e vendit.

“Të drejtat e punëtorëve janë interes publik, por Kosovën e mbizotëron privatizimi. Sot bizneset kryesore i kanë politikanët. Shteti në Kosovë është shtet i kapur dhe i privatizuar nga kapësit e shtetit”, tha Kurti, raporton “Zeri.info”.

“Në Kosovë vetëm çdo i katërti qytetar i aftë për punë është i punësuar. Shkalla e punësisë në viteve të fundit ka rënë, rritja ekonomike në Kosovë është sasiore e jo cilësore, sepse nuk është e shoqëruar nga rritja sociale. Rritja ekonomike është parakusht e jo qëllim, por në Kosovë ajo u shpërben pak vetave e rrezikon demokracinë”, theksoi Kurti.

Sipas tij në Kosovë nuk mund të ketë progres pasi që nuk synohet një gjë e tillë. /ZERI