Kurti flet butë teksa kërkon votë: Të debatojmë zellshëm për dallimet tona politike, me respekt për njëri-tjerin

Kryetari i Lëvizjes Vetëvendosje, Albin Kurti, pa ndonjë marrëveshje, ka nisur prezantimin e ekspozesë për qeverinë e re, përbërjen e së cilës do ta prezantojë dhe hedh në votim më pas.

Ai tregoi se s’ka marrëveshje koalicioni me ndonjë prej partive tjera shqiptare për qeverinë e re, por kërkoi që përbërja që do ta prezantojë, të votohet nga të gjithë.

Kurti – një politikan që nuk është shquar asnjëherë për shumë diplomat dhe shumë kujdes në komunikim – kërkoi debat të argumentuar e të mirë në Kuvend.

“Pres që të debatojmë zellshëm për dallimet tona politike, por gjithnjë me respekt për njëri-tjetrin, për institucionet dhe për vullnetin e qytetarëve”, tha ai.

Kurti tha se do të jetë “përherë i gatshëm” për “diskutime deri në shterim”.