Kurti: Fermerëve dhe bujqve do t’u subvencionohet nafta prej 5 milionë eurove

Kryeministri Albin Kurti, në një konferencë për media, ka njoftuar se janë ndarë 50 milionë euro për kategorinë e subvencioneve.

Kurti ka thënë se bujqit po subvencionohen katërfish, e paparë kjo në Kosovën e pasluftës, sipas tij, që të subvencionohen edhe për sipërfaqe, për pleh, si dhe për naftë.

Kurti tha se fermerëve dhe bujqve do t’u subvencionohet nafta prej 5 milionë eurove, duke ua subvencionuar vlerën prej 36 centë për çdo litër naftë të përllogaritur me hektarët e poseduar të tokës së punuar. /Zëri