Kurti e merr një mbështetje të fortë për reciprocitetin nga diplomati gjerman

Diplomati gjerman, Wolfgang Ischinger i ka dalë në krah kryeministrit të Kosovës, Albin Kurtit dhe idesë së tij për reciprocitetin, raporton Gazeta Express.

Ischinger ka shkruar në Twitter se askush nuk mund të argumentojë që reciprociteti nuk është parim i pranuar për zhvillimin e marrëdhënieve bilateriale.

“Askush nuk mund të argumentojë se reciprociteti nuk është një parim i pranuar për zhvillimin e marrëdhënieve bilaterale”, ka shkruar diplomati gjerman.

Këto komente, Ischinger i ka bërë pasi që kryeministri i Kosovës, Albin Kurti deklaroi se Serbia po vazhdon me fushatën e ç’njohjeve, edhe pasi që Kosova e ka treguar vullnetin e mirë duke hequr taksën 100 për qind ndaj lëndës së parë.

Përmes një postimi në Twitter, Kurti shkroi se “Ne nuk jemi pengesa në rrugën e dialogut dhe nuk kemi qenë kurrë. Ne bëmë një hap përpara, ata bënë një hap prapa. Pse?”./GazetaExpress/