Kurti e Hovenier presin zbatim të plotë të marrëveshjes së arritur në Ohër

Kryeministri i Kosovës, Albin Kurti ka folur për takimin e ardhshëm të nivelit të lartë në Bruksel që do pritet të mbahet më 2 maj 2023.

Kurti tha se marrëveshja e Ohrit do të zbatohet pa vonesa.

“Gjithmonë jam gati për takimet e nivelit të lartë që organizohen me lehtësimin e BE-së. Takimi i radhës do të mbahet në Bruksel si zakonisht me ç’rast duhet të diskutohet sesi edhe marrëveshja e Brukselit edhe aneksi i zbatimit nga Ohri do të zbatohen pa vonesa ne plotni”, tha Kurti.

Në anën tjetër ambasadori amerikan Jeffrey Hovenier, ka thënë se implementimi i plotë i marrëveshjes së Ohrit është shumë i rëndësishëm.

Duke mos dashur që të komentojë më shumë ai u tha shkurt gazetarëve që t’i referohen deklaratës së mbrëmshëm.

“Ne mbrëmë kemi lëshuar një deklaratë e cila flet vetë për rëndësinë e implementimit të plotë të marrëveshjes së Ohrit, dhe ne këtë e presim”, tha Hovenier. /Telegrafi/