Kurti: Beogradi po ushtron terror dhe presion ndaj serbëve të Kosovës

Shtatë persona të nacionalitetit serb janë arrestuar të martën nga autoritetet kosovare në Komunën e Graçanicës nën dyshimet për “kërcënime, presion dhe shantazh” ndaj vullnetit të lirë të votuesve në prag zgjedhjeve të parakohshme parlamentare të 7 qershorit 2026, raporton Ekonomia Online.

Lidhur me këtë kryeministri në detyrë Albin Kurti, ka thënë se terrorin që është duke e bërë Beogradi mbi serbët e Kosovës e kanë të dëshmuar prej vet ankesave të serbëve të Kosovës.

“Unë besoj se fjala e ministrit për Komunitete dhe Kthim në mbledhjen e Qeverisë mbi trysninë e tmerrshme që po bëhet tek serbet e Kosovës që patjetër ta votojnë Listën Serbe dhe masat që po i ndërmerr Serbia janë alarmuese dhe këtë lloj terrori që po e bën Beogradi zyrtarë mbi serbët e Kosovës e kemi të dëshmuar prej vet ankesave të serbëve të Kosovës. Ky është fenomen që ka marrë përmasa të mëdha prej kohës që unë jam kryeministër. Kurr nuk ka pas më shumë kërcënime, shantazhe”, ka thënë ai.

“Në anën tjetër ju e dini që Serbia vazhdimisht mundohet të ketë elemente të saj që të krijoj dualizma brenda territorit tonë të Republikës dhe ato janë veprime ilegale në shtetin tonë të pavarur”, ka shtuar Kurti.