RCCOLA

Kurti: Aktakuza ndaj krerëve të UÇK-së ka probleme të mëdha, nuk e përjashtoj mundësinë e takimit

/ 3 minuta lexim
Mobi Casa

Kryeministri i Kosovës Albin Kurti ka folur lidhur me qëndrimin e tij për akuzat ndaj krerëve të UÇK-së në Hagë.

Duke ju kthyer qëndrimit se e sheh si një gabim votimin e Gjykatës Speciale nga parlamenti i Kosovës, Kurti tha se aktakuza ka dy probleme shumë të mëdha.

Ai nuk përjashtoi mundësinë e një takimi me ish-presidentin Thaçi dhe ish-drejtuesit e tjerë të UÇk në Hagë.

Pjesë nga intervista

Kurti: Për bindjen time aktakuza ka dy probleme shumë të mëdha: konsideron që bëhet fjalë për ndërmarrje të përbashkët kriminale të njerëzve të UÇk që nga marsi 1998, që në fakt është periudha e epopesë së UÇK të cilës ja kremtojnë 25 vjetorin së shpejti.

Fevziu: Besoni se UÇK ka qenë ndërmarrje kriminale?

Kurti: UÇK ka bërë luftë të drejtë çlirimtare dhe pjesa e dytë ku unë kam probelm me aktakzuën është që UÇK ka bërë ndalime ilegale, gjë që është e paevitueshme në luftë. Nga cilat pikëpamje legale po thua që UÇK ka bërë ndalim illegal?

Fevziu: Në të janë marr dëshmitarë edhe ish-shefa të policisë.

Hidromorava

Kurti: Në hollësi të procesit nuk e di dhe nuk mund të hyj, gabimi kardinal është bërë që me 82 vota në kuvendin e vitit 2015 u votua.

Fevziu: Përse ishit kundër në ato kohë?

Kurti: Kemi nevojë për gjykata normale jo special. Kishim UNMIK, Eulex, tribunalin e Hagës dhe një gjykatë speciale nuk mendoj që është zgjidhja. Besoj që ata do të mund të ktheshin në Kosovë dhe për çfarëdo ka pretendime të trajtoheshin nga gjyqësori në Kosovë. Për këtë qëllim duhet ta rrisim efikasitetin e e sistemit tonë të drejtësisë. Gjatë luftës ka dhe krime që nuk janë të luftës, duhen trajtuar krejt.

Fevziu: A ka një shans të zhbëhet kjo gjykatë ligjërisht?

Kurti: Nëse ka ndonjë vend ku janë bashkë SHBA, BE dhe organizmat ndërkombëtare është kjo gjykatë speciale. Ajo ka një këmbë në Kosovë dhe një këmbë në Hagë. Nuk mund të lavdërohet për transperencën e saj, por nëse ne forcojmë sistemin e drejtësisë do të mundet t’i trajtojmë rastet brenda Kosovës.

Fevziu: A do shihnit mundësinë për t’i takuar personat e akuzuar në Hagë?

Kurti: Nuk e përjashtoj kurrë mundësinë, por unë do të marr vendime sa mund të ndihmoj. Sa mund të jetë një gjë e dobishme ajo bëhet vendimtare për veprimin apo mosveprimin./Opinion.al/