Kurteshi: Qeveria e Re nga Diaspora

Gjilan – Lajmet e mira për Kosovën vijnë vetëm nga Diaspora. Burimi më i madh financiar vjen vetëm nga Diaspora, pra edhe Qeveria e Re do të formohet nga Diaspora. Nuk do të ketë Qeveri nga partitë e dështuara në Kosovë, por vetëm nga shoqëria civile dhe vet populli dhe nga njerëzit e Diasporës thotë Arben Kurteshi.

Arben Kurteshi është kryetar i AKR Internacional me seli në Zvicër. Ai ka gjetur një formulë interesante për ta formuar qeverinë e re.

Kurteshi thotë se Diaspora gjithmonë e ka ndihmuar Kosovën në momentet më të vështira, pra tash është momenti që Kosova të udhëhiqet nga shoqëria civile dhe nga Diaspora, raporton rajonipress.

“Pas kësaj krize institucionale Diaspora do ta merr udhëheqjen e shtetit sikur se që po e udhëheq me sukses edhe futbollin e shtetit Helvetik më të zhvilluarin në botë. Diaspora i ka kuadrot e shëndosha dhe të përgatitura shumë mirë profesionalisht për ta zhvilluar shtetin tonë” tha Kurteshi.

Sipas tij nuk do të ketë as Qeveri të AAK-LDK-Nisma e as të PDK-së, por vetëm nga shoqëria civile dhe Diaspora. “Diaspora në ditët e ardhshme do të fillon me formimin e Qeverisë së Re” ironizon Kurteshi./rajonipess/