Gjilan – Funksionarët aktual të vetëdijshëm se e kanë humbur përkrahjen e qytetarëve dhe se do t’i humbin zgjedhjet e ardhshme po mundohen padrejtësisht që t’i sigurojnë vetes së tyre të ardhura edhe pasi të shkojnë nga pozitat e tyre. Por kjo rregullore ilegale nuk do të gjej zbatim pas zgjedhjeve të cilat do t’i fiton Lëvizja Vetëvendosje ka thënë Ismajl Kurteshi.
Ismajl Kurteshi kryetar i VV në një konferencë për medie tha se Kuvendi i Komunës së Gjilanit në mbledhjen e fundit ka miratuar rregulloren për vetëqeverisjen lokale për kompensim të pagës për ish zyrtarët e lartë të komunës.
Por Kurteshit thotë se neni 12.2 pika C dhe D nuk mund të shfrytëzohet si bazë për këtë rregullore kundër ligjore pasi që në nenin e lartpërmendur thuhet: “Kuvendi komunal mund të miratojë akte e rregullore komunale dhe çdo akt tjetër të nevojshëm apo të duhur për funksionim efikas të komunës”.
Kurteshi mendon se funksionarët që e kanë përfunduar mandatin nuk mund të ndihmojnë funksionimin efikas, sidomos zyrtarët aktualë të njohur si keqpërdorues të pozitave të tyre, të korruptuar e joefikas. “Funksionarët aktual të vetëdijshëm se e kanë humbur përkrahjen e qytetarëve dhe se do t’i humbin zgjedhjet e ardhshme po mundohen padrejtësisht që t’i sigurojnë vetes së tyre të ardhura edhe pasi të shkojnë nga pozitat e tyre. Por kjo rregullore ilegale nuk do të gjej zbatim pas zgjedhjeve të cilat do t’i fiton Lëvizja Vetëvendosje” tha Kurteshi.
Ndryshe Kurteshi ka këkruar që të kompensohen familjet e prekura nga breshëri. “Deri tash përveç deklaratave boshe nuk ka pasur veprim konkret të komunës e as të Qeverisë së Kosovës. Këta zyrtarë që po mendojnë për privilegjet e veta dhe përkrahësit e tyre në shumë forma, siç janë ekskursionet e paguara nga buxheti komunal dhe po projektojnë që këto privilegje t’ia sigurojnë vetit edhe pas përfundimit të mandatit duhet t’i kompensojnë dëmet e shkaktuara nga breshëri”. /rajonipress/
