Kurtesh Devaja dhuron arhivën e tij personale në bibliotekën “Fan S.Noli” në Gjilan

Gjilan – Të martën në ambientet e bibliotekës ‘Fan S.Noli’ në Gjilan, autori i njohur Kurtesh Devaja, ka dhuruar tërë bibliotekën e tij për ta pasuruar atë të qytetit me mbi 350 ekzemplarë.

Kurtesh Devaja, sot u nderua me mirënjohje nga zyrtarët komunal për dhurimin e mini-bibliotekës së tij.

Devaja ka qenë gazetar, publicist si dhe shkrimtar i mbi dhjetë librave të zhanreve të ndryshme. Tani secili lexues do të ketë mundësi që në fondin e bibliotekës të gjejë shkrimet nga autori Kurtesh Devaja.

Për bibliotekën e qytetit të Gjilanit dhe lexuesit e rregullt të saj ky donacion i librave është një ndihmesë e madhe dhe pasuri shtetërore.