Kurt Krasniqi nga Kolmekshi

Nga Demir Krasniqi

Do t’ thurë vargje për kujtime –
Për të parin e familjes sime !
Në këto vargje do t’ a ngjeshi –
Kurt Krasniqin nga Kolmekshi !

Kurt Krasniqi e la vendlindjen –
Drejt Kosovës e mësyu lindjen !
La Kolmekshin dhe Kolgecin –
Në Gollak e mësyu Tugjecin !

Në Tugjec , Kurti kish ndalë –
Tre djem , Zoti ia kishte falë !
Tre djem t’ Kurtit , djem hallall –
Prej tij u bë një mëhallë !

Në Tugjec , shkëlqente rrezja –
N’ mëhallë t’ Kurtit , u banë 8 breza !
8 breza kur u banë krejt –
N’ mëhallë t’ Kurtit , askush nuk mbet !

Deri pas Luftës së Dytë Botërore –
N’ Anadoll , shpërnguleshin prore !
Duke shkuar në Turqi –
Shumë kanë mbet n’ Maqedoni !

Nëpër viset kosovare –
Shkuan n’ shumë qendra qytetare !
Prej Tugjecit të malësisë –
Shumë ia mësynë edhe Shqipërisë !

Regjimi sllavo – komunist –
Na e solli një krizë të pistë !
Shumë shqiptarëve , shumë evlat –
Shkuan n’ kurbet në Beograd !

Pas regjimeve komuniste –
Vërshuan sulmet shoviniste !…
I lanë vatrat e Kosovës –
Ua mësynë shteteve të Evropës !

Ua mësynë shteteve të Amerikës –
Veç me shpëtua disi prej frikës !
Shkuan n’ shumë shtete të Azisë ,
Të Afrikës , t’ Australisë ! …
Kështu kaluan rreth 300 vjet –
Lagja e Kurtit , n’ Tugjec mbet shkret !
Prej 8 brezave , askush nuk mbet –
Njeri t’ gjallë s’ ka kush të pret !

Ara , livadhe janë mbet të djerra –
Janë mbushë kaça , janë mbushë thera !
Kanë mbet shkret rrugë e themele –
Krejt janë mbyllë , janë bërë zabele !…

Gjilan, më 09.03.2019.
Demir Krasniqi

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).