Kur zakonet na shëndoshin

Një nga zakonet më të këqija që na mësojnë që fëmijë, është se duhet ta mbarojmë të gjithë ushqimin që kemi në pjatë. Disa shprehen se luga e fundit është kismeti ynë, disa na vënë në faje se gjynah çfarë do të bëhet me ushqimin që ka mbetur e që do tryezatë duhet të flaket, disa na vënë në siklet se i ofendojmë nëse nuk e hamë të gjithë, na thonë 2 të rrahura bëjnë keq, jo 2 të ngrëna, të tjerë na bëjnë moral se nuk është mirë e kështu me radhë. Ndërkohë porcionet janë rritur tmerrësisht!

Zakonisht, kur jemi të ftuar, na mbushin pjatën dhe nuk përdoret sistemi i të vënit të ushqimit në mes të tryezës dhe të gjithë të marrin çfarë duan dhe sa duan.

Më e rëndësishmja të respektojmë zgjedhjen e tjetrit, për shembull, nëse nuk do të hajë, nuk kemi pse i mbushim mendjen të hajë ose të prishë regjimin e tij, apo të pijë alkool edhe pse po pi ilaçe, apo të pijë alkool edhe pse po i jep makinës, të hajë ëmbëlsirë edhe pse ka diabet dhe shumë situata të tjera, që i kemi jetuar të gjithë.

Jo detyrimisht duhet të mbaroni gjithë pjatën, sidomos kur pjata është e madhe apo e mbushur plot. Kini kujdes kur jeni me ilaçe apo kur vuani nga ndonjë sëmundje: shmangni çdo ushqim apo pije që ju dëmton./gazeta shendeti/