Kur shteti bëhet peng i individëve!

Nga Shefik Sadiku – Qytetarët nga liderët politikë duhet të kërkojnë që ata ta ndërtojnë vendin e jo qytetarët të bëhen rob të animeve, preferencave, glorifikimeve e fetisheve për liderët.

I. Institucionet e Kosovës janë peng i këtyre individëve :

1. Albin Kurtit
   a. Si njëri nga liderët e tri partive më të mëdha
   b. Si lideri i partisë më të madhe në vend
   c. Si partia me më shumë vota në zgjedhjet e fundit të 9.2.2025, i cili nuk po jep oferta konkrete për formimin e institucioneve.
2. Memli Krasniçi si njëri nga liderët e tri partive më të mëdha, i cili nuk po shpreh gatishmëri konkrete për zgjidhjen e bllokadës.
3. Lumir Abdixhiku si njëri nga liderët e tri partive më të mëdha, i cili nuk po shpreh gatishmëri për zgjidhjen e bllokadës.
4. Ramush Haradinaj si lideri i një partie të vogël.
5. Fatmir Limaj si lideri i një partie të vogël.
6. Glauk Konjufca, cili edhe pas shtatë dështimeve për moszgjidhjen e Kryetarit të Kuvendit, qëllimisht nuk e ndërron kandidatin në mënyrë që të zhbllokohet bllokimi.
7. Albulena Haxhiut, e cila edhe pas shtatë votimeve nuk e merr pëlqimin e deputetëve dhe nuk shpreh gatishmëri për t’u tërhequr nga kandidatura.
8. Avni Deharit, si kryesues i seancës, i cili në vazhdimet e së njëjtës seancë tenton ta ndryshojë mënyrën e votimit nga ajo që e ka filluar.

II. Në sistemin pluralist demokratik liderët partiakë duhet të bashkëpunojnë, të japin alternativa, të mirëkuptohen, të ndërtojnë institucione.
III. Qytetarët votojnë demokratikisht për përfaqësimin e vullnetit të tyre, kurse nuk lejohet që liderët partiakë ta devijojnë vullnetin e qytetarëve duke reprizuar serinë e seancave shterpe dhe duke e quar vendin në zgjedhje të jashtëzakonshme për shkak të kryeneçësive të tyre.
IV. Liderët partiakë duhet t’i shquajë kultura demokratike, fryma bashkëpunuese, toleranca mirëkuptuese, gatishmëria për pranimin e mendimit ndryshe, e kurrsesi urrejtja, mosdurimi, polarizimi, përçmimi i njëri-tjetrit, gjuha e papranueshme.
V. Qytetarët nga liderët politikë duhet të kërkojnë që ata ta ndërtojnë vendin e jo qytetarët të bëhen rob të animeve, preferencave, glorifikimeve e fetisheve për liderët.
Nuk janë liderët partiakë zot të vendit, ata janë në shërbim të qytetarëve, zot i vendit është populli.