Kur Rexhepi nuk flet për politikë…!

Janë mësuar që sa herë del para kamerave, të flasë për politikë ose siguri. Por, këtë të diel Bajram Rexhepi debatoi për zanatin e tij të vjetër.Ai u ftua mysafir në cilësinë e kirurgut në emisionin “Familja Ime” të Klan Kosovës për të folur rreth synetisë.

Ish-kryeministri në fillim dukej pak i pasigurt.

“Nëse nuk e kom harru shkencën”, tha ai.

Por, nuk shkoi shumë kohë e Rexhepi filloi të lirohet në muhabet. Ai tha me syneti pati goxha shumë përvojë. Bile, kur e kishin larguar nga puna në vitet e ’90, kishte kryer një numër të madh të këtyre operacioneve.

“700 syneti brenda sezone”, tha ai.

Pacientët e tij ishin të moshave të ndryshme. Madje 40-43 vjeç.

Edhe pas 17 vjetëve që la këtë zanat për tu marr me politikë, ish ministri Brendshëm dhe njeriu që udhëhoqi me Mitrovicën nuk i ka harruar detajet se si duhet të bërë synet. /Klan Kosova/