Kur kryefamiljarin e godet skamja e varfëria

Gjilan – Ismajl Haliti jeton në Gjilan së bashku me gruan dhe një vajzë. Vet ka probleme shëndetësore kurse gruaja e tij është sëmurë nga skamja e gjendja e rëndë sociale. Haliti është i befasuar me veprimin e Ministrisë për Punë dhe Mirëqenie Sociale e cila ia ka ndërprerë ndihmat sociale gruas së tij edhe pse ajo ndodhet e shtrirë në spital dhe në gjendje të rëndë shëndetësore.

Ismajl Haliti (1963) jeton në Gjilan së bashku me gruan dhe një vajzë. Gjendja e rëndë sociale e ka detyruar këtë kryefamiljar të punojë punët më të rënda edhe pse thotë se ka probleme shëndetësore dhe vështirë e përballon çdo punë, raporton rajonipress.

Por Haliti e ka harruar vetën meqë tani e një kohë e ka të sëmurë gruan e cila vuan nga unazat dhe depresioni.”Ishte e sëmurë një kohë të gjatë. I ka marrë ndihmat sociale dhe me ato ndihma edhe mbaheshim disi. Kur ju ndërpre ndihma sociale ajo e përjetoj rëndë dhe ra në depresion. Tani është në spital dhe po kurohet edhe pse gjendja e saj depresive është tepër e rëndë” shprehet Haliti.

Haliti thotë se gruaja e tij Fatime Haliti tashmë nuk e gëzon të drejtën e ndihmave sociale dhe jam shumë i befasuar dhe i zhgënjyer me vendimin e MPMS. “Unë kërkojë nga ekipi i mjekëve dhe komisioni që vet ta vërtetojnë gjendjen dhe të binden se gruaja ime vërtet është e sëmurë dhe nuk është e aftë për punë” shprehet Haliti./rajonipress/