Humanizmi i Bejtullah Kqikut ishte i pranishëm në të gjitha manifestimet kombëtare

Gjilan – Të dielën pra më 31 maj 2020 bëhen 20 vite nga tubimi i mbajtur në qytetin e Gjilanit në nderim të hyrjes së SHBA në këtë qytet. Ismet Sylejmani kryetar i Këshillit Organizativ në atë kohë ka përmendur shumë organizator e donator, derisa për Bejtullah Kqikun ish pronar i kompanisë “Bejta Comerc” ka thënë se ishte donatori kryesor i këtij Manifestimi.

Ismet Sylejmani nga Këshilli Organizativ i asaj kohe ka thënë se më 31 maj 2020 mbushen plot 20 vite nga tubimi që u mbajt në qytetin e Gjilanit, në nderim të ardhjes së Shteteve të Bashkuara të Amerikës në Kosovë!

“Ndihma e madhe që na e kanë dhënë SHBA-të gjatë gjithë historisë dhe veçanërisht gjatë luftës së UÇK-së dhe bombardimeve të NATO-s mbi Serbi dhe njohja nga afër e imja me qëndrimet proshqiptare të oficerëve të lartë amerikan në Kampet Bondstel dhe Mantith, ishin motivi im kryesor dhe qendrorë për të marrë iniciativën për të propozuar për mbajtjen e tubimit të parë dhe të fundit më të madhin në Kosovë, pas përfundimit të luftës së dhe pas hyrjes triumfale të KFOR-it të NATO-s në ballë me SHBA-të. Ai tubim i madh atëherë e deri më tani kur po e shkruaj këtë shkrim në nderim të asaj ngjarje të madhe kombëtare, ishte dhe mbetet tubimi më i madh publik, i organizuar dhe me nivel të lartë të përfaqësimit në nderim të Amerikës në Kosovë” ka shkruar Sylejmani.

Sylejmani ka përmendur të gjitha kontaktet e takimet që ka pasur për të ardhur deri tek finalja e manifestimit derisa ka thënë se donatori kryesor i manifestimit ishte firma “Bejta Comerc” me pronarin, tani të ndjerin Bejtullah Kçiku.

Sylejmani ka thënë se Manifestimi filloi me ekzekutimin e himnit kombëtar shqiptar dhe himnin kombëtar amerikan. “Vlenë të theksohet se himni kombëtarë amerikan, për herë të parë ekzekutohej para një mase mbi 50.000 njerëzish. Në manifestim u mbajtën katër fjalime, në cilësinë e Kryetarit të Këshillit Organizativ, fjalimi i parë nga Ismet Sylejmani, pastaj Komandanti i TMK-së Gjeneral Agim Çeku, Kryeadministratori ndërkombëtar i Gjilanit z.Ivo Shans dhe nga viset, në emër të shqiptarëve nga Maqedonia e Veriut, ish-Kryetari i Komunës së Gostivarit, si kryetari i kohës së flamurit në Gostivar z. Rufi Osmani. Pjesëmarrja ishte masive” ka shtuar Sylejmani.

Sipas Sylejmanit me shumë të drejtë mund të quhet tubim i madh popullor për Amerikën në Kosovë sepse morën pjesë ushtarë e oficerë, përfaqësues të lartë të US ARMY! Morën pjesë personalitete e figura të shquara të jetës politike, kombëtare e shtetërore nga Kosova dhe e gjithë̈ hapësira e viseve shqiptare ka kujtuar Sylejmani.

“Pas përfundimit të Manifestimit ”FUQIA PLANETARE NË KOSOVË”, sponsori gjeneral i manifestimit, afaristi i njohur dhe i nderuar i Gjilanit dhe i Kosovës Bejtullah Kqiku me firmën e tij “Bejta Comerc”, në restaurant Kosova në Bresalc, shtroi drekë për mysafirët e shumtë që kishin ardhur nga të gjitha viset shqiptare. Kjo ishte ngjarje e madhe. Dashuria dhe respekti për Amerikën dhe për Amerikën në Kosovë, ishte dhe vazhdon të jetë e madhe, dhe të rritet e të kultivohen ndër breza në Kosovë dhe te tërë populli shqiptar” ka shkruar Ismet Sylejmani, ish – Kryetar i Këshillit Organizativ.

Ndërsa Basri Kqiku nga “Bejta Comerc” thotë se tani pas 20 vitesh ndihet krenar që prindi i tij dhe kompania “Bejta Comerc” ka qen donatori kryesor.”Për ne ka qen nder dhe privilegj ta përkrahim një manifestim ku është përkujtuar ushtria amerikane dhe kontributi i saj për çlirim. “Për Babin, për familjen e për firmën tonë “Bejta Comrce” ka qen nder dhe privilegj ta përkrahim fuqishëm e ta financojmë̈ tërësisht një manifestim të madh popullorë, ku është nderuar SHBA-në dhe Ushtria Amerikane, në nderim të kontributit të madh e vendimtarë të saj për çlirimin e Kosovës”./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).