Kuqi paralajmëron, disa lojtarë të Zvicrës mund të luajnë për Kosovën

Shefki Kuqi ka thënë se disa futbollistë të Zvicrës mund të kthehen dhe të luajnë për Kosovën.

Ish sulmuesi Shefki Kuqi i është gëzuar lajmit të pranimit të Kosovës në UEFA, ku ka folur edhe për futbollistët që luajnë në Kombëtare të tjera.

Ai tha se do të jetë e vështirë për futbollistët shqiptarë që luajnë të Zvicra të largohen prej saj, pasi kanë luajtur në kampionate evropiane dhe botërore.

Por, ai beson se disa prej tyre edhe mund të kthehen.

“Lojtarët kosovarë që luajnë për Zvicrën kanë qenë ën Kampionate Botërore dhe Evropiane. Nuk është e lehtë t’ua kthesh shpinën. Por, disa mund të kthehen të luajnë për Kosovën e disa të tjerë të vazhdojnë ashtu siç janë”, tha Kuqi për BBC. /Express