Kumbullat, detoksifikuese dhe eliminuese të rrudhave

Kumbullat janë një frut i vlerësuar në të gjithë botën, por pak i njohin vlerat e tyre terapeutike. Ky frut i shkëlqyer është i pasur me ushqyes dhe ofron dhjetëra përfitime shëndetësore.

Të pasura me ujë, fibra dhe karbohidrate, kumbullat përmbajnë pak yndyrë dhe proteina. Ato përmbajnë kalium, kalcium, fosfor, magnez dhe hekur, sasi të konsiderueshme të vitaminës C, vitaminës A dhe vitaminës E.

Këto karakteristika ushqyese i transformojnë kumbullat në një ushqim energjik, alkalizues, pastrues, freskues dhe gjallërues, të afta për të stimuluar sistemin nervor dhe për të luftuar lodhjen.

Energjia fizike dhe mendore. Kumbulla është veçanërisht e përshtatshme për ata që duan të arrijnë një performancë më të mirë fizike dhe mendore në periudhat më intensive, siç janë studentët apo sportistët.

Lëkura. Vitamina A që gjendet tek kumbullat forcon lëkurën dhe përmirëson pamjen e saj, duke parandaluar rrudhat dhe njollat.

Antioksiduese. Vitaminat C dhe E që përmban kumbulla luftojnë kundër dëmtimit të shkaktuar nga radikalet e lira.

Diuretike. Bollëku i kaliumit në kumbull na lejon të luftojmë ruajtjen e lëngjeve dhe të balancojmë ujin e trupit. Kumbulla gjithashtu shërben për të parandaluar dhe trajtuar problemet e veshkave.

Detoksifikuese. Kumbulla ka efekt laksativ që lufton kapsllëkun dhe lehtëson barrën në mëlçi.

(Kosova Sot Online)