Kumbulla merr dënim prej 5 mijë eurove dhe dy ndeshje mos-lojë

Marash Kumbulla është ndëshkuar nga Federata Italiane e Futbollit për gjestin e kryer në ndeshjen e fundit në kampionat kundër Sasuolos.

Mbrojtësi shqiptar la fushën në minutat shtesë të pjesës së parë, pasi u ndëshkua me karton të kuq nga gjyqtari. Shkak u bë goditja që 23-vjeçari i dha lojtarit kundërshtar, Berardit në zonë.

Komisioni i Disiplinës në Itali ka dënuar Kumbullën me dy ndeshje pezullim si dhe me një gjobë në vlerën e 5 mijë eurove, shkruan Lajmi.net

Kështu lojtari i Kombëtares shqiptare nuk do të jetë në dispozicion të Jose Mourinhos për derbin kundër Lazios dhe për përballjen me Sampdorian.