Kumbulla, blerje e mirë, por jo prioritet i trajnerit të Romës

Paulo Fonseca është i lumtur me ardhjet e reja, por thotë se Roma ka nevojë edhe për më shumë investime.

Marash Kumbulla është njëri prej disa futbollistëve që gjatë verës iu bashkua Romës.

Trajneri i romakëve, Paulo Fonseca, duke folur për ardhjet e reja, deklaroi haptazi se prioritet ishin Smalling, Pedro dhe Mkhitaryan.

Smalling dhe Mkhitaryan ishin pjesë e Romës edhe sezonin e kaluar, por këtë verë klubi italian bleu kartonët e tyre.

“Ishte e rëndësishme për mua që t’i kem këtu Chris Smallingun, Pedron dhe Henrikh Mkhitaryanin, derisa Marash Kumbulla dhe Borja Mayoral janë shtesa të mira”, tha ai.

Sido që të jetë, Kumbulla ka treguar tashmë se është gati për një klub si Roma dhe gati për të startuar në mbrojtjen e romakëve. /Gazeta Express/