Kumbaro nga Shqipëria: Kultura shqiptare e Luginës një opus me vlerë

Një delegacion nga Këshilli Kombëtar Shqiptar (KKSH) i kryesuar nga kryetari, Galip Beqiri kanë qëndruar në një takim pune në Ministrinë e Kulturës së Republikës së Shqipërisë.

Ministrja, Mirela Kumbaro duke shprehur kënaqësinë për takimin theksoi se ndër përkushtimet e saj është ruajtja dhe kultivimi i kulturës shqiptare jo vetëm mbrenda hapësirës shtetërore, por kudo.

“Kultura shqiptare e Luginës së Preshevës është një opus me shumë vlerë për gjithë shqiptarët dhe se ne jemi të hapur për bashkëpunim”, tha Kumbaro, transmeton Titulli kumtesën e Këshillit Kombëtar Shqiptar.

Kryetari KKSH-së, Galip Beqiri theksoi se ruajtja, kultivimi dhe avancimi i identitetit kombëtar e kulturor është mision për institucionin të cilin e drejton.

“Ne më shumë se kurrë kemi nevojë për mbështetjen e shtetit amë dhe kësaj ministrie përkatëse”, deklaroi Beqiri.

Takimi përfundoi me përkushtimin për një bashkpunim edhe më intenziv më të drejtpërdrejt dhe më konkret./Titulli.com/