Kullat e Karadakut
RajoniPress
08:25, 2 Dhjetor, 2014
Në malësinë e Karadakut – Janë do Kulla të marakut! Janë do Kulla historike, Të qëndresës heroike !…
Kur t’ na rrokë ndo ‘i herë mërzia –
Do të shkojmë n’ fshatin Terzijaj !
T’ shohim Kullat e Hajdin’ve ,
Që trimërisht iu banë ballë stinëve !
Në malësi të Karadakut ,
Porsi shtylla e bajrakut –
Ngrihet lartë Kulla e Smajlit ,
Si kala në mes të malit !
Këto Kulla në këto anë ,
I kanë ngritë mjeshtrit dibranë .
Janë ndërtime shumë të hershme ,
Mbajnë në gji kohërat e tmerrshme !…
N’ Kullën e Fetah Kurexhës –
Shumë është këndua Kënga e Rexhës !
Edhe Kulla e Hafiz’ve –
Ka pritë trima e burra t’ fiseve !
Kulla e Avdi Haxhë – Peqenës ,
Nderë të madh i banë Preshevës !
Kulla e tretë është Kulla e Xhelës –
Krenaria e gjithë trevës !
N’ Karadak – n’ këtë djep të trimit ,
Është ngritë Kulla e Hajdinit !
Kjo Kullë është histori n’ veti –
Ngritë stubllasi Fazli Ahmeti !
Fazlisë , truri mjeshtërinë ia rroki –
N’ popull njihej si Fazli Noki !
Fazli Noki e Shaip Rrustemi –
Ndërtuan Kulla prej bedeni !
Gjilan, më 01.11.2014. /Demir Krasniqi/rajonipress/
