“Kulla e Bashkimit” në fshatin Kosaqë

Teksti, muzika dhe interpretimi : Demir Krasniqi

Më datën 5 Maj 2019 – të,
U përurua vepra e historisë së vërtetë !
Në fshatin Kosaqë, të Komunës së Gjilanit –
Aty u ngrit vepra e luftës së vatanit !

Ky objekt, atë ditë që është përurua,
“Kulla e Bashkimit”, që është përgëzua –
Luftërave të lavdishme iu është përkushtua,
Që kanë pasur qëllim vendin me e çlirua !

“Kulla e Bashkimit” – objekt legjendar,
Monument i sakrificës së Kombit Shqiptar !
U është kushtuar luftërave t’ lavdishme çlirimtare –
Për Bashkimin dhe Lirinë e trojeve shqiptare !

Ky objekt do të jetë ndër monumentet historike –
Që do t’i bashkojë shqiptarët e t’ gjitha trojeve etnike !
Veçmas idealin e UÇK-së, të UÇPMB – së,
T’ UÇK -së së Maqedonisë dhe të mbarë Kosovës !

“Kulla e Bashkimit” u realizua
Me nismën dhe përkujdesjen që u angazhua
Ish – shefi i shtabit të UÇPMB-së –
Trim Shefket Musliu, luftëtar me besë !

Në ceremoninë e inaugurimit të “Kullës së Bashkimit” –
Ishin të pranishëm mysafirë të lindjes e perëndimit !…
Ramush Haradinaj, kryeministër i Kosovës
Dhe Shefket Musliu, luftëtar trim i lokes !

Në fshatin Kosaqë, n’ inaugurim të “Kullës së Bashkimit“ –
Erdhën luftëtarë kombëtarë të tri luftërave të çlirimit !
Veteranë, familjarë të dëshmorëve nga gjithë trevat mbarë
Dhe personalitete tjera publike që na bëjnë krenarë !

Brezat që do t’ lindin në fshatin Kosaqë –
Do t’ rritën të lumtur dhe kanë për t’u kënaqë !
Do t’i gëzojnë frytet, t’ mirat e lirisë –
Që i mbollën me gjak bijtë e Ilirisë !

Gjilan, më 05.05.2019.
Demir Krasniqi

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).