Kuka: Majlinda ia doli kur askush s’besoj, e historia po vazhdon!

Falë sportit të xhudos, para pesë vjetëve e gjithë bota u njoftua edhe më mirë shtetin e Kosovës, shkruan Zeri.info.

Në vitin 2016, në Rio de Janeiro të Brazilit u zhvilluan Lojërat Olimpike “Rio 2016”.

7 gushti është data historike për Kosovën, pasi në këtë datë ishte Majlinda Kelmendi që fitoi medaljen e parë të artë olimpike.

Xhudistja pejane medaljen e artë e fitoi në kategorinë deri në 52 kilogramë.

Kjo ditë është kujtuar edhe nga trajneri i xhudos, Driton Kuka, i cili theksoi se historia po vazhdon ende, pasi në Lojërat Olimpike “Tokio 2020”, Distria Krasniqi e Nora Gjakova shënuan suksesin e njëjtë.

Postimi i plotë nga Kuka (pa ndërhyrje):

“Ditëlindja e 5 e medaljes së parë!

07 gusht 2016 …

Medalja e artë Olimpike!

Majlinda ia doli

Kur askush sbesoj!

E historia po vazhdon po vazhdon

Majlinda,Distria,Nora …”. /Zeri.info