Kujtim Shala thotë se Kroacia do të jetë në finale, e tregon edhe kundërshtarin e saj

Ish-futbollisti i njohur kosovar, Kujtim Shala tha se Kroacinë e sheh në finale të Kampionatit Botëror.

Shala është futbollisti i parë kosovar që ka luajtur për Kroacinë, menjëherë pas pavarësimit të saj.

Ai në një prononcim ekskluziv për emisionin “Favoriti i Botërorit” tha se e sheh Kroacinë në finale, teksa si kundërshtar të saj e mendon Anglinë.

“Ishte ndeshje mjaft e vështirë për kroatët. Ngarkesë mjaft e madhe për kroatët, prandaj nuk filluan ashtu sic e kemi paramenduar të gjithë. Lojtarët kroatë e dhanë maksimumin, edhe pse japonezët ishin më të mirë se kroatët. Nëse e kalojnë japonezët, kroacinë do ta shohim në finale. Me kombëtaret e forta, Kroacia tregon lojë të fortë. Mendoj që do ta kalojnë edhe Brazilin. E shoh një finale mes Kroacisë dhe Anglisë”, tha Shala.

Tutje, ai tha se Kosova është prej kombëtareve më të mira në rajon.

Kosova është më e mirë se Bosnja dhe Hercegovina, Maqedonia e Veriut, Slloveni e gjitha ato vende andej. Ka mundësi ta marrë Kroacinë si model”, u shpreh Shala.

/Gazeta Express/

Shpërndaje.
© RAJONIPRESS