Kujtim Bajrami, merr bronzin për Zvicrën në Botërorin e karatesë

Karateisti zviceranoshqiptar Kujtim Bajrami ka sjellë për Zvicrën medaljen e artë nga Kampionati Botëror i karatesë që është mbajtur këto ditë në Bremen të Gjermanisë.

Bajrami ka garuar në kategorinë deri në 67 kilogramë . Kjo medalje ka rëndësi të madhe për Zvicrën pasi që është e para e fituar nga meshkujt që ga viti 1986- Atëbotë, po ashtu medaljen e bronztë e kishte fituar Maurizio Negro.

Në meqin e fundit, atë ia ka siguruar medaljen e bronztë, Kujtim Bajrami ka mundur spanjollin Manuel Rasero Ruiz.

Kujtimi është 23 vjeç, jeton në kantonin Valis. Ai është përzgjedhur relativisht vonë për ta përfaqësuar Zvicrën në kampionatin botëror në Gjermani. Kjo për shkakun se ai kishte pësuar lëndime të cilat ia kishin pamundësuar të garonte në një periudhë të konsiderueshme të sezonit

Pos Kujtim Bajramit, në dhjetëshen e parë ka hyrë edhe një zvicerane, po ashtu nga Valisi. Fjala është për Noei Kornfeld, në kategorinë deri në 61 kilogramë, e cila është radhitur në vendin e nëntë.

albinfo.ch