Kujdes, po vjen Alesia!

Ajo është një nga velinat bukuroshe të Tv Klan. Megjithëse është 16 vjeç ka plot ëndrra të cilat dëshiron t’i realizojë si me magji. Po flasim për brunen simpatike, Alesia Bami që e shikojmë çdo të dielë si velinë në programin “E diela shqiptare”.

“Miss Universe Albania 2014” ka qenë shtysë dhe motivim për të qenë pjesë e botës së pasarelave. Arma më e fortë për të është gjatësia. Pëlqen të frekuentojë palestrën, madje e cilëson si një nga hobet e saj.

Përsa i përket modës, Alesia rrëfen se veshjet janë shumë të rëndësishme për të dhe se preferon të vishet sipas ambientit që frekuenton. Shpenzon shumë për të patur një garderobë të pasur dhe shprehet se është shumë e fiksuar pas këpucëve.

Eshtë kundra operacioneve plastike, pasi i pëlqen më shumë natyraliteti. Megjithëse thotë se nuk është e dashurar asaj vazhdojnë t’i vijnë lule ne Klan çdo të dielë nga simpatizantë anonimë.

Por nga ana tjetër Alesia tregon se mashkulli ideal për të duhet të jetë me patjetër i sinqertë. Në përgjithësi velina në fjalë, tregon se meshkujt e thërrasin me nofka të ndryshme, si bukuroshe apo e bukura & bisha.

Alesia po studion në vitin e parë të shkollës së mesme për balet dhe ka vendosur që të merret seriozisht me televizon. Beson shumë se ka aftësi dhe di mjaft mirë ta bëjë publikun për vete.