Kujdes nga dielli

Temperaturat e larta që po mbretërojnë në vendin tonë kanë rritur numrin e pacientëve. Mjekët apelojnë që gjatë kohës kur rrezet e diellit janë më të theksuara t’i shmangen ekspozimit dhe shëtitjeve. Ndërsa, nga Instituti Kombëtar i Shëndetit Publik, janë dhënë disa rekomandime që qytetarët e Kosovës duhet t’i përmbahen.

Në vazhdim paraqesim këshillat që IKSHP i ka adresuar për opinionin kosovar.

-Të qëndrohet në ambiente të freskëta dhe të ajrosura, sidomos prej orës 11:00 17:00.

-Kujdes i veçantë duhet treguar për fëmijët, të moshuarit dhe personat që vuajnë nga ndonjë sëmundje kronike.

-Nëse nuk mund t’i shmangeni ekspozimit në diell duhet të jeni të pajisur me kapele, mundësisht te lagur, ose me obrellë dielli, kurse sytë duhet mbrojtur me syze dielli.

-Vishni rroba të lehta, me ngjyra të çelta, preferohen materialet nga pambuku.

-Të merren sasi të shtuara të lëngjeve, mbi 2 litra ujë edhe kur nuk ndjeni etje.

-Konsumoni më shumë fruta e perime të stinës sepse përmbajnë shume ujë,

vitamina dhe kripëra minerale të rëndësishme për organizmin.

-Të merren shujta të lehta dhe sapo të përgatitura, duke kufizuar ushqimet e fërguara, sasitë e mëdha të mishit, sheqernave, brumërave dhe yndyrave.

-Shëtitja, posaçërisht e fëmijëve, moshuarve dhe të sëmurëve, duhet të bëhet herët në mëngjes dhe në orët e vona të pasdites.

-Mos leni asnjëherë persona e sidomos fëmijë në automjet të mbyllur dhe të parkuar, meqë temperatura në veturë zakonisht është më e lartë se sa në ambientin e jashtëm.

-Në rast të përjetimit të goditjes personi duhet të vendoset në vend të freskët, të lirohet nga rrobat e tepërta, të mbulohet me lecka të lagura, t’i jepet ujë shpesh dhe në sasi të vogla dhe të kërkohet ndihma mjekësore.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).